Yelhoumee singtagi oiba keithel sabada meeyamna mateng pangbiyu: IPSA (In Manipuri)

3191
mao keithel nagamapal, manipur, imphal
Temporary Mao Keithel in Nagamapal, Imphal

Imphal, July 22: Houjik Kangleipak (Manipur) da meeeyamna khwaidagi pamnaba amadi khoidazaba potsak ama hairagadi MAO KEITHEL ni haibada lallaroi khalli. Kangleicha khudingmakna amadi leingakpa singna chap mannana yaaminnaba amadi apenba pokpa IMPHAL da MAO FURUP ki eechil eenao singna Mao da fangba mahei-marong, enshang naapi amadi hei lei sing asi matam kuirabagi tungda Imphalgi Khwairamband Keithel ga naknana Nagamapal da pukhatlaktuna meeyamda fanghalliba asimuk apenba asidagihenba leite. Hairiba wafam asibu louduna Manipur Government na MAO gi lalon eetik toujariba meeyamgi hotnajaman asibu khangbiduna Yelhoumee singtagi oiba Keithel ama semgat sagattuna thambiyu haiduna haijabada thamlagani hairakpasina amukka henna apenba pokee. Kangleipakta Kangleicha singi amadi Kanglei khunnaigi damakta katthaokpa amaga loinana meeyamgi damakta chongthoktuna leiriba Civil Societies Organization sing maru oina League of the Fourth World People Kangleipak (LFWPK), International Peace and Social Advancement (IPSA), All Clubs Organization Apunba Meira Paibi Lup, Kangleipk (ACOAM Lup), Kanglei Ima Lup (KIL), Kanglamei, Chanura Lamchinglel Kangleipak (CLK), Indigenous People’s Association of Kangleipak (IPAK), PANDAM amadi Kangleipak Students’ Association (KSA) na amadi UNITED CLUBS OF IMC WARD NO. 4-URIPOK, Kangjabi Youth Club amadi Nagamapal Youth Club na yumbu oibiduna mapung oiba thoudang louduna MAO gi lalonbi kayabu harao meenokka loinana okpiduna Kangleipakki puwarigi anouba lamai ama hangdokkhre. Loinana Meitei Puyada hairamba Nagamapal da Mao Keithel Karaklagani haiba wafam du mak ngasidi thoklare. Thoklariba Keithel asi mangfaonahannaba hotnabada Mao furup ki yaiphanabagi damak achouba thoudang louriba MAO UNION, MAO YOUTH & STUDENTs’ UNION, MAO BUSINESS UNION amadi atei Mao furup ki thawai yaobiba yaobibi Mao eechil eenao singgi su amukka henna achouba thoudang loubibadagi MAO KEITHEL asi oithoraklibani. Sinja langjabada saruk yajaruba luploi ama oina thamjaningliba wafamdi MAO KEITHEL na Imphal da karakpa asina khundaminaariba furup singi marakta nungshi channaba da nattana Kanglei khunaigi senmitlon da achouba ahongba amadi laklagani haibasini. Houkhiba July gi tang 3 dagi na July gi 22, 2015 ngasiga thana Mao Keithel na Imphal da famlakliba asi taruklak sukhre amadi ahouba numittagi tharaga ngasi faobada apunbagi oina mapot thanna yaoraba Tata Mobile Carrier Truck (114) chammaga taramari sukhre, puraktuna yonkhiba amadi apunbagi senfam oina chaorapna Lupa Lakh Kunthramari ga Lishing kun muk sure. (Thirty four lakh twenty thousand only) approximately. Tenkhraba numit taraga mari manganigi matam asida toukhriba lallon eetik asina karigumba touramdaba taarabadi hairiba senfam asi sungsoi soidana Kangleipakki waangmada oina chatlambasu yai.

mao keithel imphal manipur
Dr. Lolly, President Mao Union, Mao Briefing Media

Adubu Mao Keithel da lakkhiba senfamnina Mao gi meeyamda amadi iramdam kangleipak asigi account ta adummak leihoujabani haina state economy gi mityengda louba yai.Hairiba Keithel asina asumna tungkoina sum chang naina chattharaklabadi Tha amada Keithel 15 rak tagina 20 rak kumba karaklabadi changchatta Rupees 1.53 Crore, Lupa Crore Amaga Makhai mukki lalon eetik tougani haina paaba yai. Masi na chumba taarabadi asukki matik Mao Keithel na Imphal da karakpagi mayek laaraba mahei adu fangjare haina louba yai. Amadi pumnamakki hotnajaman adu lemna khak mangdre haina khanba yai.

Mao gi meeyamna Mao gi mahousadagi leijarakpa leihao da suja nomja duna puthokchaba pothoksingtana tanjaba senfamnina masi Kanglei Khunaigi khwaidagi mayek senglaba senmitlon gi anouba awonba amani haina meepum khudingmakna lounagani amadi saruk yajariba Lup loi singnasu loujei. Masina Kangleipakki mafam khudingmakta khundaminnariba yelhoumee khudingmakki mafamda chinjakta meepal tangdana hingjanabagi anouba eenot ama piragani. Suning nomningbagi chatnabi Work Culture Revolution ama soidana puraklagani amadi Mao gi meeyamgi haotnaba asi atoppa yelhoumee khudingmakna tamjaningngai oiragani haina khalli

mao keithel imphal manipur
Temporary Mao Keithel in Nagamapal, Imphal

Mao dagi lakliba lallonbi sing asi Imphal da ahanba lakpa amadi hanna fajana potyonbi oidriba, supnatagi eengkholda, loubukta sunomlaga punna punna whole sale da thadoklambana ayamba oibana Imphal gi amadi Khwairambandgi Keithel fambi sing douna yamna meekup nahum singba amadi heithoi singthoiba amadi oidri. Maram asina mee mayamna yomsillaga pot leinanaba hotnarakpada kok ngaoduna sen louhoudana pot pithokkhiba amadi mee chinbagi khudong chaba louraga pot matpikhiba kayasu yaaori. Mao gi chinglamda manung hanjinna yamna tamna leikhiba khun dagi ahanba mapan thoklaktuna pot yonjabasu yaobanina masida pot leiba lakpiriba meeyamnasu yaariba makhei pukchel sengna leiriba pot adugi mamal adu sen oina Masada soidana pibiduna chamjakhraba khunganggi waana soo nomlaga taanjaba asibu eikhoi khudingmakna pukning thougat pifam thokee. Imphal da laklaga amangba, meenambata oi haikhragadi asuk yamna waana mayam changdana hotnajariba sing ase ootta ghee heiba oina thoklagani. Maram asina Mao gi lallonbi singna Imphal da lallonba lakchabada tungkoiba mari ama saagatnaba hotnabada eikhoinasu pukchel tingna loinabiba mathou tai. Madu na tunglamchatta Mao gi meeyamna Imphal gi meeoi singbu mathamoida adummak chetna konsinduna amadi machinda sonduna thambigani.

Houjikti Mao gi khun khun khudingdasu Imphal da pot yonbana malemgi mafam ateida yonbadagi khwaidagi henna nungai haibasi Mao phurupcha khudingmakta loina taanare. Masi henna amukka mapum faana tung koina chatthaduna leihounaba hotnabada Kangleipakta leiriba Lup khuding makki thamoida faonariba Fei haiba wafam adumak tung koina leijahounaba hotnabada Iramdam ireipak asida khundaminnariba furup khudingmakna eesha eeshagi haiba wakhallon adudagi khajiktang khaidokpiduna katthokpa amaga loinana hotnaminnasi amadi Government ki maikeidagi thamoi sengna tingthorakliba khut asida eikhoi khudingmaknasu mateng pangsinduna Imphal da Yelhoumee singtagi oiba Keithel ama semgatpada punna saruk yaaminasi haina Kagleicha khwai khudingmakki mafamda ningsingjari.

Houjik eikhoigi maangda taaduna leiriba fibam sing asi maru oina matam kharagi oina houjik houjik potfam famduna haptagi Keithel famliba Naga Turel gi Keithel asida mee yamna chonna tinba mafam ama oibana mafam asida Keithel amuk amuk fambada thoklakliba amotpa sing asi mari leinaba Municipality gi echil eenao singna matam chana louthokpiba asina khwaidagi ahanba tangai fadaba thabak ama oire. Matam kharagi oirabasu famlingei manung asida mapan eepan thokningba amadi lamsang lakpagi hakchang wai sangdokningbana chingba sing asigi damakta tangai fadana temporary Toilet complex ama mafam asida sabiduna khudong chadaba sing asidagi kokhanbinaba hotbiyu haiduna thawai yaona sinbiriba Manipur Government ki MAHUD department ta haijari amadi athuba da sinbiyu.

Mao keithel imphal manipur
Temporary Mao Keithel in Nagamapal, Imphal

Masigi makha taarakpada PDA na Temporary market Shed ama chingmeirong maning leikai gi Eastern Motors ki showroom nakal da sananaba hotnabada Chingmeirongi Leikai gi Club,Meira Paibi amadi pukchel chaoba chaobi singna thokpiraktuna ayetpa apanba singdagi ngakthokpiduna amadi matam chana quality leina sahanduna loisinbada mateng pangbiyu haina ningsingjari.

Kangleipakki civil societies singnasu Nagamapal da leiriba khudong chadaba sing asidagi thuna nanthoknaba hotnaba da Chingmeirong gi Temporary Market shed asina achouba mateng ama oigadouribani, maram asina yariba makhei mari leinaba Contractor amadi Department ki staff singna mateng pangsinbiduna khwaidagi khonglei thuna thabk loisinnanaba hotnabada punna saruk yainnasi haina LUP singi maikeidagi LUP Loisingi mahut sinjaraga nolukna ningsingjari.

 

sd/-

(Chingkhei Luwangcha)

President, IPSA

Kangleipak

LEAVE A REPLY

Please enter your comment!
Please enter your name here